Archive for the ‘سياسى’ Category


“أنا لا أخاف الطغاة .. ولكن أخاف أهلنا الذين يدافعون عنهم”
وأتعلق بفرج الله حتى لو كانت المعطيات كلها ضدي، وماذا كان يفعل موسى والبحر م أمامه وفرعون م خلفه! ومع ذلك قال: “كلا إني معي ربي سيهدين”

م هنا أبدأ .. مش ببساطة ولا لين بل بالعنف حتى لو وجب علّي خسارتك لأن العنف يشعر الناس بالرضى، ولو زال الرضى  لسوف يبقى الناس يمجدون العنف، وتأكد أن لي الله حين لا يبقى أحد، وتذكر جيداً أني لست بملك ولا بنبي! *فصحى

الناس متستهلش أكتر م اللي هما فيه، خصوصاً الفقرا اللي زي حالتنا، ومتضحكش ع نفسك مفيش حاجة إسمها طبقة متوسطة، الطبقة دي منقرضة م أيام العاهر عبناصر، ومفيش جهل وتعتيم يغفر لواحد بيتشفى بالدم وبيتلذذ بضيق حال الناس ويلاقي ألف دليل وإعتبارة مبرر ليرضي جهله، ومنهم (الحمد لله إحنا أحسن م غيرنا كتير)، فلننتظر مسألة وقت، ومتتغرش بالمرتب اللي ف إيدك وتفتكر نفسك ملكت الدنيا أو ع الأقل قادر تعيش ف أسوأ الظروف، تاني .. لننتظر مسألة  وقت! *عامية

ومتقلقش ف الوقت المناسب .. الناس هتجبلك حقك اللي إنت راضي بضياعه، مش عشان هما كويسين وفيهم الخير، لاء.. ده علشان عارفين ومدركين تماماً إنها معادلة، لأن لما يحفظوا مقامك وحقك بيحرضوا للباقي إن يعمل المثل معاهم، وده تأسيس لمجتمع الحقوق اللي إنت متعرفش عنه حاجة غير (كارتة العيش وبطاقة التموين وإسطوانة الغاز وشوية الفكة اللي ف نهاية الشهر)! *عامية

متخافش أنا مش هشتم واقول ألفاظ خارجة عشان مشوهش حضارتنا العظيمة، فضلاً ع إني  مقتنع بإن العالم مش مثالي ولا المواطنين شرفاء ولا صالحين ولا بيشخوا زهور!

خلاص إنت إتعودت ع كده وإستمرأت الذل ومقتنع إنك مش هتغير رأيك حتى لو مكابرة (وكلٌ يرى طرق الغواية والهدى .. ولكن طبع النفس للنفس قائدُ) *عامية + فصحى

ف النهاية .. متفتكرش إن كل حاجة هتفضل ع حالها، وتبقى مغفل لو إفتكرت إنها هترجع زي ما كانت عليه ف البداية! ومعندكوش فكرة قد إيه أنا مواطن صالح ولو للحظات قصيرة ، وزي ما قال سقراط (افضل أن أموت وقد قلت مايبدو لى انه حق، ع أن أعيش مضطر لأقول ما ترونه أنتم إنه حق). *عامية + فصحى

ولتاني مره أنا راض فلدي الكثير ولا أحتاج إلى المزيد وأقول إني لا أغفر لأحد وأتمنى للجميع حياه آثمه ثم نار جهنم وصقيعها حتى يخرج اسم شريف م الأجيال اللعينة.

#ذكرى_عاشوراء

تقبل الله الصالح م الجميع


*معناها ملحوظة

فصحى = معناها تقرأ بالفصحى

عامية = معناها تقرأ بالعامية

ع الحميد سمير 

Advertisements

يقول #كويلو في فقرة الراعي:
_ليست النعاج بحاجة إلي إتخاذ قرار، ربما أبقاها ذلك قريبة من الراعي بإستمرار، وإن الحاجة الوحيدة للغنم هي الماء والغذاء، فما دام راعيها يعرف المراعي الخصبة تبقى صديقة له .. حتى وإن كانت الأيام كلها تتشابة بساعاتها الطويلة، وإن كانت الخراف لم تقرأ أي كتاب إطلاقاً .. وتجهل ما يجري في القرى، فقط تكتفي بالماء والغذاء، وهذا بالفعل كافي، ولذلك تقدم بسخاء صوفها ولحمها في المقابل.
“فماذا إن لم يقدم الراعي الماء والغذاء الكافي للنعاج” ياعم كويلو؟!

ع الحميد سمير©

البلاغ رقم واحد

Posted: 10 أكتوبر 2016 in مقال, سياسى
الوسوم:,

• قيل لنا إن الدول التقدميّة سوف تطعم شعوبها لبنا وخبزا، وتؤمن لها المسكن الصحي، والملبس الناعم، والتعليم الحديث، والعلاج الناجح عبر الصناعات الثقيلة، وإذا لم تتوافر فعبر الزراعات الثقيلة ..
أما الدول الرجعية فإن السجون فيها سوف تمتليء بينما أمعاء الشعوب سوف تبقى فارغة.
أما تحرير فلسطين فليس بغير الكفاح المسلح، وبداية هذا الكفاح مفتوحة، ليس أمام الفلسطينيين فحسب بل أمام العرب جميعا، وكل التقدميين ف العالم!

• ها نحن أمام شعارات جديدة تستفيد م حرمان الجماهير وسخطهم بوعدهم بالجنة ع الأرض.
الأغاني اختلفت، والشعارات تنوعت، أما المغني فقد بقى واحد م اثنين: إما مغن يتصالح مع الماضي دون أن يتصالح مع الحاضر أو المستقبل، وإما مغن يتصالح مع الماضي كي يختصم مع الحاضر والمستقبل .. وف الحالتين صارت الأغنية مثقلة ببكاء الشعوب وحسرتها.

96 – الرميحي
#البلاغ_رقم_واحد


ع الحميد سمير©

ثورة الجياع

Posted: 10 أكتوبر 2016 in راب, سياسى, شعر
الوسوم:, , , , , ,

%d8%ab%d9%88%d8%b1%d8%a9-%d8%a7%d9%84%d8%ac%d9%8a%d8%a7%d8%b9بعد صبح ع مصر بحنية .. ودخولنا لمرحلة الفكة

لسه طالع يشحت .. إبن الصرمة واكلها والعة
وأنا عاطل قاعد بَكّحت

البحر يحب الزيادة .. مصر دايماً ولادة
شبة الدولة بتصرف على رئيس خلفيته بيادة!

مركب وغرق .. منكرش إنتوا اللي عقرقتوه
لو مش بصورة مباشرة بإهمالكم إنتوا سبتوه

لاء ميهمش .. الموت ف البلد دي مش موعظة
حتى اسأل “مميش

الماده الخام للهبل..
نصّبوه وعملوه هُبل
بيطلب فكة إبقى إدفعله
إدعي بس إنها تتقبل

الله يحنن عليك..
لاء يحنن عليك إيه!!
ده إحنا الأولى على شبه دولة
والرحمة متجوزش عليه

فاض بينا الكيل..
كنا دولة وأهل نيل
قبل ما يجي معتوه
يحللنا أكل لحم حمير

إدونا فرصة تانية الأولى باظت مننا
ستين سنة بتحكموا لحد ما بِعنا لحمنا

اللحم اللي بيتباع..
مش حمير ولا بتاع
ده لحم مواطنين شرفاء
بيبني #ثورة_جياع

بمناسبة الجوع.. 
اللحم دايماً مش موضوع
بجانب أزمة مفتعلة زي اللبن ياجربوع

مش أسف ولا أعذرني
مكسور دايماً إجبري
فكرة إنك رئيس
تخليني في موضع قُرني

ياجابر..
شيل الكفولة
هاتلنا القطفة الأولى
عنقودين عنب بناتي على كحك جيشنا العمولة

شفت القافلة اللي إحنا فيها
عدموا الحلواني اللي بانيها
سواء بحبال أو برصاص أو بضريبة مضافة عليها

علملوا ولادكم..
ده لو في فرصة للتعليم
قبل ما يجي الدور عليهم
في منظومة التعتيم

صارحهم بالحال..
متجملهمش الأحوال
خلوهم دايماً في الصورة
حتى لو كانت أهوال

قولهم يعبدوا ربهم
مش أشخاص زيهم
متخافوش..
على الله وعليك رزقهم

وقولهم..
القدس عاصمة فلسطين
ومصرية تيران وصنافير
والعروبة وهم خيال
درب من دروب الأساطير
……|

ع الحميد سمير©


#إحكيلي | الحلقة الثالثة | الموسم الأول

🚩 لو عايز تعرف وتفهم إزاى بتتم صياغة مستقبل العالم؟

🚩 ولو مش مهتم وعايز تعرف بس وتفهم إستراتيجية إسرائيل وسلطتها اللى بتستخدمها ف السيطرة عامة و ع الوطن العربي بالتحديد؟!

🚩 وإستراتيجية الولايات المتحدة اللى إستعانت بها ف حروب الخليج ونجحت ف إستخدامها وسيطرت بها ع العالم كله؟

🚩 وسطوة وسيطرت العنصر الصيني والياباني والكوري ع الأسواق الخارجية ف كل مجالات التجارة؟

** لو عايزين تعرفوا كل ده .. تابعونا..

👋 (اهلاً بكم👋

سون تزو .. الإسم اللي صنع ثورات وثروات كتيرة لكل م قرا كتابة وإتبع إسلوبة وطبق مبادئه!

سون تزو .. ده كان مواطن وجندي ف الصين, الراجل ده سابلنا كتاب إسمه #فن_الحرب الكتاب يعتبر م أهم المخطوطات العسكرية القديمة ف تاريخ العالم كله.

“طيب”

– إيه سر أهمية وشهرة كتاب فن الحرب؟

إن سبب أهمية وشهرة كتاب فن الحرب .. المبادئ والمصطلحات اللى ذُكرت فيه بتّطبق لحد النهارده ف كل العالم .. رغم إن الكتاب من أكتر م 2000 سنة, وإن مش معنى إسم الكتاب فن الحرب إنه سياسي بحت ..لاء.. الكتاب ينفع طبقات كتيرة جداً وف مجالات مختلفة سواء كانت مجالات عسكرية أو سياسية أو إقتصادية .. ده بسبب المبادئ التكتكية والأفكار الفلسفية اللي جوه الكتاب .. وكمان الكتاب نجح ف حرب وسلم ومع مجتمعات منتجة ومستهلكة .. ولازم كل واحد عاقل يدرك اهمية الكتاب ده ويقراه لأنه مهم جداً بالنسبة لنا ع الأقل كمسلمين, حتى ف الوقت الحالي!

نرجع تاني لسون تزو ..

تزو .. كان بارع جداً ف فنون الحروب والقتال, بسبب الكتاب ده الملك عينة قائد ع الجيش, وبعد ما سون تزو قدر إنة يثبت كتابه فعلياً ع أرض الواقع ويكسب معارك كتير .. بجنود وقوات أقل م الخصم بأربع أضعاف أو أكتر م خلال مبادئ الكتاب؛ ملك تشي وقتها اللي هي الصين دلوقتي عينه قائد عام ع الجيوش, وبالمناسبة كتاب فن الحرب مكتوب باللغة الصينية القديمة, وللي ميعرفش اللغة الصينية القديمة كانت تكتب من أعلى إلي أسفل ومن اليمين للشمال عكس دلوقتي اللي بتكتب م الشمال لليمين وبشكل افقي, ولسوء حظنا الكتاب كان مكتوب ع سيقان نبات البامبو, ونبات البامبو من طبيعته إنه مبيستحملش عوامل الزمن والمناخ, ففي أجزاء م الكتاب إتأثرت وضاعت, واللي م خلالها رجح رأي الناس اللى بتقول إن في جمل ف الكتاب غير مترابطة مع بعض ويصعب فهما بسهولة, وناس تانية قالت إن بعض محبي سون تزو حطوا التاتش بتاعهم واضافوا للنسخة الأصلية م الكتاب, والكلام ده فتح باب للتشكيك ف حقيقة سون تزو ف الأصل وإنه شخصية خيالية مخترعة, اللى يهمنا هنا من كل ده الموجود ف الكتاب نفسة وإحنا نقرر.

كتاب فن الحرب كان ليه الفضل إن يحرر ويوحد شعوب كتير.. م ضمنهم اليابان, واليابان كانت المرحلة والخطوة الأولى لإنتقال وخروج الكتاب للعالم كله بعد كتابتة ف الصين, وبعد كده تمت ترجمتة كتاب فن الحرب للفرنسية والإنجليزية والألمانية, وف تأكيد لخبراء عسكريين كتير إن خلال الحرب العالمية الأولى لو كان إتوفر نسخة م الكتاب لقادة ومخططتين عسكرين ومتخذي القرار كان رحمهم م المذابح والمجازر والمغامرات الحربية الفاشلة والبشعة اللى حصلت ف الحرب العالمية التانية, وده عشان الكتاب بيقدم نسخة فريدة جداً ف طريقة التعامل مع السياسات التكتيكية لفنون القتال.

بمعنى .. إنه مش بيركز ع تحقيق النصر بس .. لاء .. وتجنب الهزيمة وتقليل وتفادي الخساير بأكبر قدر ممكن .. ويشرح كمان إزاي تحقق النصر م غير م تدخل المعركة أساساً .. وده بإختصار كان موقف شبيه جداً بفتح سيدنا عمرو بن العاص لمصر.

ف الفصل الأول م الكتاب بيتكلم ع وضع الخطط .. وهتلاقي حاجات شبيها جداً بالمهنج الرباني والحث ع الجهاد زي ما ذكر ربنا ف القرءان  وحضراتكم تحكموا, مثلاً بيقول تزو ف وضع الخطط:

إن فن الحرب له أهمية حيوية للدولة. وعندنا ماشاء الله أيات كاملة ف القرءان الكريم والحديث بتأكد الكلام ده ومتسبعدش إن الهوان والذل اللي إحنا فيه سببه ده.

تاني حاجة بيقول إن الحرب تعتبر مسألة حياة أو موت والطريق لبر الأمان أو للخراب وإنه موضوع يستحق ومينفعش نتجاهلة. تأكيد تاني م تزو وإحنا كمسلمين عندنا ماشاء الله حوالي 26 آية عن الجهاد و 38 آية عن القتال و 6 آيات عن النفير وودن م طين وودن م عجين.!

وطبعاً لو محاربتش هتتحارب وإن مفهوم السلم والسلام التام ما هو إلا إعتراف بالضعف والقبول بالذل والهوان تحت وطاءة أى مستعمر او إحتلال اى كان بقى المستعمر داخلي خارجي برباطوزي مش فارقة كله إحتلال.

تالت حاجة بيقول تزو إن فن الحرب بيقوم ع خمس عناصر ثابتة لازم القائد يكون مدرك لكل عامل وعنصر تماماً, والخمس عناصر هما :-

  • القانون الأخلاقي
  • السماء
  • الأرض
  • القائد
  • النظام العام

والقانون الأخلاقي يقصد بها الإنسجام بين الحاكم والمحكومي.

والسماء يقصد بها طبيعة المناخ والفصول الأربعة.

أما الأرض اللي هي المسافات سواء كانت طويلة او قصيرة أرض آمنة او أرض خطرة.

القائد بقى أكيد يقصد به أبوتريكة عشان متحبسش بس.

والنظام العام يقصد بها طريقة التنظيم والتحكم .. سياسياً بقى إقتصادياً أي كان.

..

أما الفصل التاني حكايته حكاية .. الفصل ده تقريباً تزو قرا المستقبل عن طريق الإستبصار وهو بيكتبه أو إن المواقف شبه ثابتة والتاريخ بيعيد نفسه.

ف بيقول إذا طال أمد حملتك العسكرية فموارد الدولة لن تواكب نزيف النفقات العسكرية! حد فاهم حاجة؟ وأحسنلك متفهمش!

وم ناحية تانية بيقولك إقتراب الجيش .. ويقصد بها تلاحمة مع العدو بيتسبب ف إرتفاع الأسعار الداخلية والكلام ده بيؤدي لإستنزاف ثروات الشعوب! واخدلي بالك إنتا.

ويرجع تاني يدوس ع جرحنا ويقول تزو افندي لما ثروات الشعوب بتقل وتخلص .. الشعب يعاني م الضرايب المفروضة عليه. وبعد م ثروات الشعب تقل وتخلص نخش ع التقيل بيقول إن بيوت الشعب هتبقى فاضية وتلت تربع دخلهم هيتبخر إلا إن نفقات الحكومة ع المعدادت العسكرية طيارات بقى ودبابات وهيشك بيشك وافراح هياخد الدخل العام كله.

واضح إن تزو دارس بره وجوه ..

انا بصراحة بعد م وصلت للمرحله دي قررت أقفل الحلقة مش عايز اعرف المستقبل أكتر م كده ورفقاً بحضراتكم وحاجات تانية “صورة كلابش او بوكس” .. أنصحكم بتكملة قراية الكتاب وابعد م جنبك اى آلة حاده .

📌 سلام و اشوفكم ف الحلقة الجاية ان شاء الله مع قصة جديدة .. ومتنساش لو عجبت القصة دوس لايك وسبسكرايب للقناة ولو حابب تشاركنا ف القناة بصناعة محتوى او ماده من مجهودك متبخلش ع نفسك بس حط تعليق او ابعتلنا رسالة ع ايميل القناة.

unewtv@gmail.com 📩

“بعض الناس لا يستطيعون الإيمان بأنفسهم إلا عندما يؤمن بهم الآخرون”

 


#إحكيلي | الحلقة (1) | الموسم الأول

👋 (اهلاً بكم👋

 ➊ التاريخ المصري بتاعنا مليان حوادث ومفاجأت غيرِت مجرى تاريخنا كله .. نخش ف الموضوع  ع طول .. قصة خونه أثروا في مجرى التاريخ المصري بشكل مباشر وبشع.

🚩 طيب : مين هو خائن عرابي ده؟ وخانة ليه ؟ وفى إيه؟

خائن عرابي إسمه الحقيقي علي يوسف وكان ضابط مصري “قولت حاجة انا”.. المهم .. للإنصاف إن خنفس باشا او على يوسف مش هوا الخائن الوحيد ف الليلة دي إنما كان قائد للخيانة لمجموعة ضباط خذلو ا احمد عرابي ف معركة التل الكبير اللى قامت ف محافظة الإسماعيلة واللى بسببها أدت لهزيمة فادحة للجيش المصري واتروقنا ساعتها بالإحتلال الإنجليزى للبلد.

ده كان خائن عرابى وخانه ف ايه..

🚩 طيب : على يوسف ده خان عرابى ليه؟

 ➊ ف كتاب الخيانة هزمت عرابى للدكتور مصطفى الشهابي ..  بيقول: (ف 12 سبتمبر 1882) ..  ف اليوم اللى قبل معركة التل الكبير .. على يوسف ارسل من مقدمة الجيش رساله لعرابى بيقوله فيها إن الإنجليز لن يتحركوا ف ذلك اليوم . وبالمناسبة اللى خلى الجيش الإنجليزى إنه يفكر يهاجم من ناحية القناة فشلة ف الدخول م ناحية الإسكندرية.

نرجع تانى لعرابى .. عرابي اخد بالرسالة على يوسف .. وامر القادة بإراحة الجيش المصرى ع ان يكونوا ف إستعداد وتأهب للمعركة الفاصلة صبيحة يوم غد. كده خنفس باشا او على يوسف عمل مع عرابى الصح زى م بنقول نيم عرابى والجيش ف ناحية والناحية التانية القائد الإنجليزي ولسلي مستعد للزحف بهدوء ناحية الجيش المصرى ف منتصف الليل.

والظباط الخونة التانيين اتباع خنفس واحد منهم كان إسمة عبد الرحمن حسن وده كان قائد فرقة الإستطلاع السوارى وكان بيحرس الطريق الصحراوى م ناحية الشرق, إنسحب لناحية الشمال عشان يخلى الطريق للجيش الإنجليزى ويسمح لهم بالمرور ..  وخنفس باشا ده مش يجبها البر بقى ويهدى وكفاية اللى عمله هو وأتباعة .. لاء ..  ده كان بييسر لهم الدخول بسهوله وبراحة تامه كمان عن طريق وضع فوانيس ع المسالك والمداخل اللى يمكن الدخول منها لعرابى والجيش المصرى.

 ➊ مر يوم وبقينا ف يوم 13 من سبتمبر 1882 يوم وقوع الهزيمة  بالجيش المصرى .. يتفاجئ الجيش المصرى بدخول الإنجليز عليهم وهما نايمين.

الطريف إنهم قبضوا ع عرابى قبل ما يكمل إرتداء حزائه العسكرى! وده بالمناسبة حسب إعترافة أثناء نفيه لجزيرة سيلان ف الوقت ده  واللى بقى إسمها سرى لاناكا حالياً ..  وده بعد تخفيف حكم الإعدام عليه طبعاً. والطريف والمحزن كمان إن المعركة مأخدتش نص ساعة.

ده كان الطريف أما الغريب..

الغريب إن خنفس باشا عنده ضمير رهيب ومصمم ع الخيانة لأخر لحظه مبيهزرش .. بعد المعركة بيومين وصل الإنجليز لمنطقة العباسية .. ومن هناك راحوا للقعلة وكان ف القلعة 4000 جندى وبكل بساطة خنفس باشا يدى الجيش الإنجليزى المفاتيح  وفوقيها بوسه .. كما ذكر ف كتاب فصل فى تاريخ الثورة العرابية.

دى كانت حكاية على يوسف او خنفس باشا اللى لقبوه بعد كده بخائن عرابى.

  • عرابى :-

➊  اما لو جينا إتكلمنا بقى عن عرابى نفسه بعد الخيانة والنفي هنلاقى حاجات غريبة البعض منا اول مرة يسمعها .. بمعنى حياة عرابى ف المنفى إتقسمت نصين:

النص الأول كان درامى بعد الشيئ .. وده كان يتمثل ف حاله ف المنفى .. وبالمناسبة عرابى إتنفى وهو ف سن 29 سنة وكمان متنفاش لوحده كان معاه محمود سامى البارودى وعبد الله النديم  اما عن عبد الله النديم كان شاعر واديب وخطيب الثورة العرابية.

ومحمود سامى الباردوى كان رئيس الوزراء وقتها وده كان إختيار الثوار له بعد الثورة العرابية اللى يعتبر من اهم زعمائها .. حتى إن الثوار لقبوه برب السيف والقلم .. السيف ده عشان كان راجل عسكرى ثائر ف الحق والقلم ده عشان شاعر ورائد مدرسة الأحياء والبعث ف الشعر العربى الحديث.. ويقال إنه رجع بعد 18 سنة م المنفى وده بسبب مرضة الشديد وإصابته بالعمى ثم وفاته.

➊  اما عن عرابى والنص التانى الفكاهى .. مش هنلاقى حاجة ف حياتة بعد المنفى كتير .. إلا اللى ذكره أنيس منصور ف كتابه مواقف وقال: انيس لما سافرت لجزيرة سيلان وجد الصحف والجرايد اللى إتكلمت عن عرابى ورفاقة .. وإن ازاى الإنجليز كانوا بيبصوا لعرابى نظرة الفلاح المصرى الجاهل المتهور .. حتى إن واحد م الصحفيين راح لعرابى وسأله: هل اللى بيتكلم إنجليزى يعتبر كافر؟ عرابى إستغرب وقعد يضحك وقاله ده انا من ساعة ما سيبت مصر وانا بتعلمها.

ويقول أنيس تانى: عرابى او من شجع على حفظ القرآن الكريم و هو اللى أنشأ الكلية الزاهرة وكمان هرب حاجات م مصر للجزيرة بطريقة شرعية زى الكحك والغريبة والكنافة والقطايف.

➊  ويقول كمان إن عرابى إتظلم حى وميت هو وكل رفاقة وإنه راح ضحية مفاهيم ومقاييس حديثة بمقارنتها بزمنة زى ثورة ع الخديو وتشبيها بالإنقلاب حتى أنيس ليه تشبيه بليغ ف واقعة ثورة عرابى ع الخديوى قال: إن ثورة عرابى أشبه بواحد صفع إنساناً بالقلم فمات! ولم يكن الموت دليلاً على عنف الصفعة, وإنما كان دليلاً على ضعف هذا الذى صفعه!

➊ ويقول كمان إن عرابى كان يحمل سيف برونزى على تمثاله عرابى باشا, بس ولاد الحلال سرقوه زى ما كل حاجة إتسرقت.

بعد 20 سنة م النفى رجع عرابى لمصر وكان مدمن تهريب لأى حاجة … حتى إنه هو اللى دخل شجرة المانجا للبلد لأول مرة .. فمتلك بذلك عنقنا جميعاً.

هنا وتنتهى إسطورة احمد عرابى سنة 1911 عن عمر 70 سنة.

📌 سلام و اشوفكم ف الحلقة الجاية ان شاء الله مع قصة جديدة .. ومتنساش لو عجبت القصة دوس لايك وسبسكرايب للقناة ولو حابب تشاركنا ف القناة بصناعة محتوى او ماده من مجهودك متبخلش ع نفسك بس حط تعليق او ابعتلنا رسالة ع ايميل القناة.

unewtv@gmail.com 📩

“بعض الناس لا يستطيعون الإيمان بأنفسهم إلا عندما يؤمن بهم الآخرون”


Cb-2XStWAAAvH1Q

نعم أيها السلطان, أنت ف نظر الشرع لست سوى عبداً رقيق, والعبد الرقيق يعتبر _شرعاً_ شيئاً م الأشياء ومتاعاً م الأمتعة, وبما أنك مازِلْتُ عبداً تعتبر شرعاً مملوكٍ لبيت مال المسلمين, ولكنك متاع عقيم لا يُدر ربحاً, ولا يأتي بغَلّة, وف مثل هذة الأحوال جرت العادة ع التخلص م المتاع العقيم ببيعه ف المزاد, حتى لا تُضار مصلحة بيت المال, وحتى ينتفع بحصيلة البيع فيما يعود ع الناس عامة والفقراء خاصة بالنفع!
– شكراً أيها السلطان ع حرصك للمصلحة العامة وبادرت بذلك.

 ع الحميد سمير©

مُحرفة قليلاً من مسرحية ( السلطان الحائر ) – توفيق الحكيم


الحكمه .. فوات الآوان

فكرة المقال مقتبسه من فيلم (Poker Night) للكاتب والمخرج Greg Francis

هناك مشكله مع الحكمه, إنك تحصل عليها فقط بعد فوات وقت حاجتك إليها, إنها لا تساعدك ف الوقت الحاضر ولكنها تعلمك بما يكفي لمساعدتك ف المره القادمه !

أنا أتكلم عن الحكمه من النوع التي تأتي م خبره, ذلك النوع الذي يخبرك أنه إذا أرادت زوجتك دفعك للعمل ف نوبه ليليه, فهناك سبب ما لذلك, وللدفع سبب إحتماله اكبر يكون ثمنه الخيانه.

أما فوات الآوان فهو مثل النظر ف مرآة الرؤيه الخلفيه التي توجد ف سيارتك, لا تستطيع رؤيه ما ستمر من خلاله إلا بعد أن تتجاوزه !

فـ بإختصار .. الحكمه بعد فوات الآوان لا تفيدك اليوم, ولكنها فقط تفيدك غداً, ولكن غداً هو يوم بعيد.. واليوم..حسناً.

اليوم عاصفة لعينه قد لا تتمكن م النجاة منها, لذا دعني آخذك للبدايه, لأنها الطريقه الوحيده لتحصل ع الحكمه التي ف قصتي هو النظر إليها بعد فوات الآوان.

قبل ان أحكي لك قصتك فهي ليست قصتي وحدي, فإليك بذلك…

قد تدفعك الحياه إلي مقاضاة كل صاحب كلمه هاجمتك او نالت منك لتثأر لنفسك, وقد تدفعك إلي ما هو أكبر: مهاجمته حتي لا تكون مستودع لتجهمات الآخرين ومهبط لكلامهم.

الجمله السابقه نسق جميل ولكنها لا تعبر عن الحكمه ف شقها الأول ع الأقل, وإيمانك بأن ما لا يقتلك ببساطه يجعلك أكثر غرابه فهي حكمه أكثر منها جمله.

معنى الحكمه التقليدي وضع الشيء ف موضعه, وهذا غير كافي لفهم ماذا تعني الحكمه بالنسبه لغير حكيم او لشخص عادي ذكاءه ومعرفته وإرادته لم يكن له نصيب وفير منهما محدوده, وذكر الله تعالي قوله ف كتابه الكريم { يُؤْتِي الحِكْمَةَ مَن يَشَاءُ وَمَن يُؤْتَ الحِكْمَةَ فَقَدْ أُوتِيَ خَيْراً كَثِيراً وَمَا يَذَّكَّرُ إلاَّ أُوْلُوا الأَلْبَابِ } [البقرة : 269]

قالوا:

ان الحكمه مكونه من ثلاثه اشياء (الذكاء, المعرفه, الإراده) الذكاء بمفرده لا يجعل الإنسان حكيماً, كما ان المعرفه دون ذكاء تجعل إستفادة صاحبها منها محدوده, وتجعل وظيفته مجرد الحفظ والنقل دون التمكن من غربلة المعرفه والإضافه إليها, وأن المعرفه دون ذكاء تؤخر ولادة الموقف الحكيم, وتجعل الواحد منا ياتي بعد الحدث بسبب ضعف البداهه.

نترك الإراده لحظه وسنعود لها قريباً.

لنفتح بابٍ جديد ونربط به ما سبق وف حاجه لإثباته بمواقف سابقه, وما أنسب م “ثورة 25 يناير” من مثل مناسب يُضرب به, فهذه قصتي او بمعني اشمل قصتنا التي ننظر إليها الان بعد فوات الآوان. (لو عايز تفهم اكتر او اقصد ايه؟ ارجع أقرا المقدمه لو تُهت).

بدون لوم .. فقدان الحكمه بمكوناتها الثلاثه سبب وصولنا لما نحن عليه الآن, (فلاش باك) سريع للأحداث السابقه.

يقف معك القليل لمجرد كلمه انا ضد, ع الرغم بإتهامهم لك ف البدايه بأنك عميل وخائن, بذكاء م الأخرين ومعرفة يدعموا الكلمه بعد معرفة خطأ ما قد نُسب سابقاً, بقي عامل واحد لتحقيق شرط الحكمه والنجاح .. الإراده, والحق وجدت لكنها وجدت منقوصه (الخبره) التي إذا مزجتها بكل عنصر من العناصر السابقه لسوف تخلق منك شخص يستطيع ان يرى ما سيمر به قبل أن يتجاوزه, ولذلك نقول لم تكن عندنا الحكمه الكامله للمرور بالثوره الاولى –مقصوده هنا كلمة ثورة الأولي لأن الثانيه لم تأتي بعد– الي طريق النجاح, لذلك اشُفق علينا, ولهذا مرت الأيام والأصوات تتعالي والأقنعه تسقط واحده تلو الاخرى, المصالح تتجمع ف منتجعات وع موائد مشروبها الرسمي الدماء, فيحمل القضيه غير المؤهل لها, وينادي بالحق من يأكله, ويثور الظلم ع المظلوم لأول مره بعد جمع الغنائم, والشر لم يتقاسم الطريق مع الخير, فسرقوا فرحة اعظم إنتصاراً, وإقتداءاً برماة أحد لا بـ رسولها (صلّ اللّه عليه وسلم) ضللنا الطريق بترك الميدان, كنا كالنعاج ف القطيع, سرنا ع نغمات طبل شخص آخر, في حين كان هوا يجمع الغنائم, فضلاً عن لقبك الجديد (بلطجي), إستغرقنا وقتاً طويلاً.. والصمت كان جزءً من الأمر .. ودفعنا ثمن الحصول ع العداله ولكن لم نحصل عليها بعد .. لكن !

كل هذا أنجب خسائر فادحه, وسببه معروف, مشكلتنا مع الحكمه, إننا نحصل عليها فقط بعد فوات وقت حاجتنا إليها, إنها لا تساعدنا ف الوقت الحاضر ولكنها تعلمنا بما يكفي لمساعدتنا ف المره القادمه !

وعدم إيماننا بأن قمة المجد إنحداره .. إنحدرنا

لا أحد ينكر حصولنا ع فرصتنا لا احد يقول ذلك, كان إختيارنا الأول (الثوره الأولى) أكثر هدوءاً وأكثر عقولاً, ولا احد يلومنا لأننا أخطأنا لأننا بالفعل نلوم انفسنا, ونحاول ان نصلحه بأساليب تتقارب مع مفاهيمكم لمعنى الفوضى وفلسفتكم المنطقيه للعيش بلا قوانين.

كان بإمكاني رؤية كل ما ف السابق لو كان عقلي يعمل, لكنه ليس كذلك.

فـ السباق لا يفوز به الأسرع دائماً! ولا يهم عدد المرات التي أردد فيها ذلك, ولكن الحياه ليست بهذا السوء بل أسوأ بكثير وهذه القذاره هي الحياة الواقعيه التي نعيش فيها, ولم ننتهي بعد, ليس من اول ضربه, ولكي نفعلها بشكل صحيح المرة القادمه (الثوره الثانيه) .. يجب النظر إليها بعد فوات الاوان وعندها كل شيء سيتغير !

 ع الحميد سمير©

 

 


ما أشبه

فى الآونه الاخيره .. إعتدت أن اقرأ لــ “أنيس منصور” .. ( بلديات والدم وكده) .. أوقفنى موقف ف(كتاب_مواقف) كالذى نحن فيه الان .. من مواقف سياسيه عِده .. حيث يحكى الكاتب (أنيس منصور) ويقول:

أنا من أشد الناس إعجاباً بفصاحة وبلاغة زعيم حزب الاحرار السابق “جيرمى ثورب” .

فقد سمعته ف المعركه الانتخابيه السابقه قادراً ع الاقناع .. وكل المعلومات التاريخيه عند أطراف أصابعه مع النكته وحضور البديهه ..

وفجأه ظهر ف حياته شاب نصاب إتهمه بأنه كان ع صله جنسيه به وآنه تآمر ع قتله , أما الصله الجنسيه فالقانون الانجليزى يسمح بذلك .

ويروى أن الشذوذ إذا كان مرضاً فلا يمكن تجريم المرض كالزكام والصداع والحصبه .

ولكن الغلطه التى وقع فيها “ثورب” هو أنه كذب ع المحكمه وقال : أنه لم يتآمر ع قتل هذا الصديق العشيق !

ودخل الأنتخابات وحكم عليه الشعب بالسقوط لأنه كذب .. فالكذب جريمه كبرى لمن يحمل أمانة التعبير عن الشعب فى مجلس العموم . وكان حُكم الشعب ع “ثورب” عنيفاً . وكان الشعب متأثراً بما نشرته الصحف !

وبالامس قضت المحكمه ببراءة “ثورب” .. من الكذب , بعد محاكمه إستغرقت 31 يوماً .

وأنفض الناس من حوله , وهذا طبيعى , وبقيت زوجته الى جواره تَبيع ما لديها من مجوهرات دفاعاً عن رجلِ أمنت بصدقه …

هل إذا عاد “ثورب” الى الناخبين مره أخرى ينتخبونه , ويكون ذلك إعتذاراً عن ظلمهم له ؟ ربما !! ولكن … لن يفعل .. إنتهى !

وأنت تقرأ الموقف التاريخى .. كأنكـ مررت به منذ أيام قليله ف مصر , عايشت مثل هذا اليوم ولا داعى إلا أن تقول ما هو ؟! ولا داعى أيضاً أن تقول  “ما أشبه الليله بالبارحه ” التاريخ يعيد نفسه .. المواقف أشبه بالثابته .. الاشخاص قد تتغير والغريب أنه أفعال وتصرفات الجمهور حيالها واحد ف كل زمان ومكان .. لا تتغير !

ع الحميد سمير©

6/7/2012