Archive for the ‘إجتماعى’ Category


181911-e1

متناقض ومعقد ومتشائم ويشك و “يزعل بسرعة”!!

لكل من يجد في نفسه تلك الصفات .. وللآخرين الذين منحهم القدر مخالطتهم .. وينفروا منهم، رفقًا بهم .. فهم أسرى .. ويؤثروا ف أنفسهم أكثر.

(تعريف بالشخصيات المزاجية لهم ولمن حولهم)

  • سبب المزاجية:

هبوط وعلو في السلوك لدى الإنسان في تعاملاته مع الآخرين خاصة المقربين منه؛ يؤدي إلى تناقضات كبيرة أحيانا قد تصل  للمشاعر وأمور نفسية أخرى.

وهناك أسباب محيطه أخرى للمزاجية تكّون طباع مثل هذه الشخصيات كا:

  1. إمتلاك كثير من أوقات الفراغ.
  2. عدم القدرة على السيطرة على النفس، لا سيما الانفعالات العصبية من غضب، وتوتر، وتهور، وكذلك الإيجابيّة منها كالفرح.
  3. فقدان معرفة النفس، وعدم القدرة ع تحديد ماذا يريد هذا الشخص، ومن يكون.
  4. عدم الاستقرار على انفعال معيّن؛ لذلك يكون متقلّباً بين انفعالات إيجابية وأخرى سلبيّة.
  5. الشعور بالملل بسرعة كبيرة، تحديداً بعد وجود رغبة في شيء، أو اندفاع لإنجاز عمل معيّن.
  6. كثرة الانتقاد والمدح ف نفس الوقت ولنفس الموضوع.
  7. عدم التفكير بالعواقب الناتجة عن الانفعالات التي تسبق أفكاره ف أغلب الأوقات؛ لذلك يشعر بالندم كثيراً.
  8. حساس جداً لأيّ تجريح أو انتقاد يتعرّض له.
  9. العطاء بسخاء عند الشعور بالراحة، والأخذ بعنف كبير عند الشعور بالغضب.
  • المزاجي يدفع إلي الحزن:

يمر بأطوار مزاجيه لاتحُتمل، ففي أكثر حالاته سعادة ويتحدث بأحاديث مبهجةفجأةودون مقدمات دخل في حالة من الحزن! حالة من الصمت قد تدوم لليوم التالي.

يظن البعض بأن المزاجيون يستمتعوا بحالتهم المزاجية التي يعيشوها! كيف؟! وقد تنقل الإكتئاب للآخرين!

يقال: أن المزاجيون لايرتبطون باللحظة .. إذا ابتسم خاف من كثرة الضحك وإذا حزن عاش كئيباً.

  • مزاجيةتثيرالضحك:

قد يمتدح المزاجي أشياء ويتحيز لها.. والعودة إلى انتقاد ذات الأشياء بعد أيام! منكرا إمتداحه برأي آخر.

  • خارطة الدماغ:

ويقول البعض بأن المزاجية هي: «الكبت» لذلك فهي لا تحمل البوح بمعناة، وأن المزاجية سلوك مكتسب، فالرجل حينما يكتسب المزاجية ويكبر على ذلك فهو يعتقد أنه بمزاجيته تلك يحصل على متطلباته في كل يسر وسهولة، وعند روغبه في الزواج يشعر بأنه يعاني من كبت داخلي عميق، فتتشكل لديه النظرة السوداوية للحياة، وعليه لايعبر عن مشكلاته تجاه الآخرين، يعتقد بصمته يحل مشكلاته بالداخل بعيدا عن الآخرين، إلاّ أن الحقيقة أن تلك المشكلات تتفاقم بداخله.

  • متقلب المزاج:

متقلبا بين حالة السعادة والحزن، يعاني من حالة نفسية نتيجة القلق الذي يأتي من الاكتئاب والنظرة التشاؤمية من الأشياء، الإنسان الذي ينقلب مزاجه بين الانطلاق والتراجع في ذات الوقت مع الآخرين فإنه يعيش حالة من تراجع خارطة الدماغ إلى الماضي، أو ربما انسحب إلى المستقبل الذي يخافه كثيرا، وذلك هو الإنسان الذي لا يعرف أن يعيش اللحظة، أو يقال عليه ليس “أبيقوري”!

  • المزاجيين أنواع:

هناك من الناس من هو في حالة تقلب مزاجي دائم، ومن هو متقلب بين التقلب والاستقرار في المزاج .. فمرة سعيد ومرة حزين ويعتمد على حالته النفسية التي ينطلق من خلفيتها، أما الشخص الدائم في تقلبه فهو غالباً ما يكون شخصاً مكتئبًا، ومنسحبًا من المجتمع فلا يستطيع أن يشارك في المناسبات الإجتماعية وربما فجأة شارك الآخرين بشكل جيد، مؤكداً على أنّ الإتزان في الشخصية هو الذي تعطي الإنسان صفة الديمومة، لذلك فإنّ التقلب في المزاج دليل على وجود مشكلة نفسية لدى الإنسان لا يعرف كيف يعالجها، وهناك كبت في الداخل لا يستطيع أن يلاحظه.

  • مزاجية المشاعر:

السبب الذي يدفع الكثيرين إلى أن يعتقدوا أن المزاجية صفة مرتبطة بالأشخاص غير الاعتياديين مثل الكتاب والروائيين والشعراء يكمن في أن المزاجية هي في حقيقتها مرتبطه بالفكر، والفكر يؤثر في المشاعر والمشاعر تؤثر في السلوك.

الروائي أو الكاتب فلابد أن يعيش هذه الحالة حتى يبدع، فمن يكتب رواية حزينة جداً لابد أن يستحضر مشاعر الحزن حتى يعيشها فيكتبها، وهذه ماتسمى «السيكودراما» فكأنه يعيش فيلمًا داخليا ليستطيع أن يُعبر عنه في الخارج، وهذا قد يكون جزءا من الإبداع ولكنه يؤثر على الخارج، وقد ينتقل معه إلي حياته الشخصية (هيث ليدجر/ الجوكر) ولذلك فإن الشخصيات الأكثر تعقيداً في الحياة غالباً ما تتصف بالتقلب المزاجي.

  • شخصيات بسيطة / معقدة:

المعرفة وكثرة معرفة الشخص سلاح ذو حدين، فالمعرفة تعطي أفقاً أوسع يمنحه القدرة على أن يمتلك درجة عالية من التكيف في الحياة، فالعلم سلاح ذو حدين، فالثقافة تُغيّر الإنسان للأفضل، وذلك ما يفترض أن يكون، إلاّ أنه ليس كل الثقافة تعطيك الحقيقة، وذلك ما يجعلها خطرة على المتلقي.

الناس الذين لديهم وعي كبير بالخارج يكونون أقل إدراكاً للوعي الذي بالداخل، فكلما كان الشخص أكثر وعياً بداخله كلما كان شخصية مرتبطة مع الذات والقدرة على التكيف في الحياة.

  • الارتباط بالقيم:

ارتباط المزاجية بالقيم التي يؤمن بها الفرد في الحياة، المزاجية هي جزء من قيمة الشخص مع نفسه، فالشخص المزاجي يعتقد أن المزاجية هي قيمة حقيقية موجودة في حياته، وإلاّ لما تشكلت في سلوكياته ولذلك فهو في الحقيقة يرفض أن يخرج من هذه القوقعة المغلقة ودائرة الألم لأنه يعتاد عليها.

الشخص المتقلب في مزاجه يؤثر على نفسه في المقام الأول أكثر بكثير من تأثيره على الآخرين، أما المحيطون به فإن كانوا إيجابيين فإنهم سينفرون منه بلاشك، فالشخص المزاجي لا يتلائم إلاّ مع الأشخاص المزاجيين الذين يشبهونه في الحياة، وربما إذا استسلم الإيجابيون له فإنهم قد يكتسبون منه تلك الصفة، ولذلك فإن عكس صفة المزاجية «الانبساطية» والتفاؤل .. فالمزاجي «شخص متشائم»، يتصف بالانسحاب وعكس ذلك الشخص المنطلق.

Advertisements

إحكيلي | الموسم الأول

👋 (اهلاً بكم👋

💬 ملحوظة : المقدمة عامية بحتة ولايجوز قراءتها إلا بنصف لسان .. أو أقل إن أمكن حتى وإن ظهر غير ذلك.

 ➊ دايماً أول تجربة جديدة أو أول مرحلة من مراحل تنفيذها بتكون قد إيه مُتعبة ومُجهدة .. لدرجة إن تعبها وإجهادها ممكن يخليك تعيد النظر أو تصرف نظر عن الفكرة كلها .. بس صدقنى أنا كنت واحد من الناس دى .. اللى (مبتعانيش = لا تعانى) من قلة الأفكار .. دايماً كنت ألاقى الفكرة بسهولة وكتير .. وأحط خطط أولية لتنفيذها وخطط بديلة .. وأطرحها على زمايلى وأصحابي .. نظرة الإنبهار اللى كنت بشوفها وبسمعها كانت تشبعنى وتكفينى .. ومن هنا تبدأ مرحلة الإنحدار وضعف العزيمة وقلة الإرادة .. وبالتالى كنت أستغنى عنها بسهولة.

 ➊ حاولت أفسر الحالة دى مع كل فكرة جاتنى .. وأسأل نفسي: إيه الفايدة من إن أدور وأتعِب نفسي على فكرة لمّا فى النهاية هيكون مصيرها “شد السيفون” ؟! .. وبدأت مرحلة قِلة الأفكار .. اللى مع الوقت بقت نادرة .. ومش بس وكده .. دى أظهرت فى شخصيتى آثار سلبية كمان.

🚩ممكن حضراتكم تقولوا إختصر وقولنا عايز إيه .. أقولكم لو بصينا بأثر رجعى لأخر 5 سنين على الأقل .. ولاحظنا قد إية الظروف وسطحية مجتمعنا خدمت قِلة من الناس .. وإقتناع بعض الناس على إنطاقة القدرإتفتحتلهم .. وتصنيفهم مننا على إنهم عامة أو أنصاف عقول أو أصحاب مهارات محدودة .. دى حاجات (معابتهمش = لا تعُيبهم) أكتر من إنهم عابونا بوجودهم .. وإنهم بيتكلموا على لسانا وعلى إعتبار إن ده رأى الأغلبية وده مستوى تفكيرهم .. عندهم حق الأغلبية ساكتة وأصحاب العقولمأنتخين“.

🚩ببساطة وبدون ما أطول على حضارتكم وبإختصار شديد جداً .. الشمس زى ما بتطلع على الفاسد بتطلع على الصالح وبتطلع على الكافر وبتطلع على المؤمنوالهوا والرزق كمان .. الفكرة إن إزاى كل واحد بيستخدم الحاجة اللى عندة .. ومن هنا نبدأ  .. دى كانت مقدمة ممله بعض الشيء .. وقبل ما ابدأ  أول حلقات #برنامج_إحكيلى طبعا لازم أفهم حضارتكم شوية حاجات:

 البرنامج عبارة عن قص للقصص الحقيقية المؤثرة جدا ف حياتنا سواء قصص تاريخية أو دينية أو أىٍ كان نوعها .. شرطها الأول والأخير إنها مفيدة وحقيقية 100%  (كاعائد الإستثمار الأجنبى والناتج القومى ودخل قناة السويس تو).

 إحكيلى مش مجرد واحد محضر قصة وطالع يحكيها للناس بنسق وإسلوب تقليدى ممل م اللى إتعودنا عليه .. لالاء .. ممكن اى حد يحضر القصة ومراجعها الحقيقية .. ويطلع هو يحكيها للناس بإسلوبة. (وأمشى أنا ورزقى ورزقك على الله).

 ده الأهم الهدف م إحكيلى؟ الهدف م إحكيلى ممكن يوفر عليك وقتك ومجهودك ف قراية كتاب أومقال أو رواية حقيقية (مش تاخد خازوق ف شراء شوية كتب وروايات وتكتشف بعد كده بإن كاتبها مبيعرفش يفك الخط) .. وهنعمل كده عن طريق تلخيص الكتب أو الراويات أو غيرها ف أعمدة رئيسية خصوصا لو إنت مش بتحب القراية أو بتمل منها أو أى سبب بيمنعك من متعة المعرفة وأهميتها .. وده طبعا بمشاركته مع الناس وبالتالى بيفتح مجال وباب ملوش نهاية مع كل واحد فينا .. بمعنى أنا قريت قصة أو كتاب عجبنى وحابب أنصح بيه الناس فبشارك أهم ما فيه بصوتى ..  زى ما بعمل دلوقتى .. وإنت أو غيرك ممكن يعملوا  كده بعدين.

💡 قبل ما أبدأ تصوير .. بعت لناس اصحابى للمشاركة معايه .. وكان رد اغلب الناس: “أنا معنديش حاجة أقدمها ولا أقولها” .. دى كانت النقطة السلبية .. كل واحد منا مستنى حد يُملى عليه او يقوله إعمل ده وسيب ده .. فين إنت ونفسك من كل ده؟! عيب تفضل حياتك كلها تحلم بزعيم يقودك ومتحلمش مره واحده بإن يكون إنت الزعيم.

👥 صدقونى ياجماعة الموضوع بعيد كل البعد عن الإيجابية .. ومش دعوة لجعل العالم أفضل ولا الشعارات دى .. ولو فشلنا مش هنحرق العالم أكتر م اللى هو فيه .. الموضوع أبسط والهدف منه تنشيط وتحفيز  الدماغ لمواصلة حياتنا المملة والراكدة .. وخلق فرصة لتنشيط الجانب الإيجابى على الأقل .. وصدقنى تانى هتصعب عليك نفسك وتحس بالوجع أكتر لما تلاقى الدنيا بتلفظ أبشع ما فيها زى (موسى وبكرى وعكاشة والخليل) وكل الرقصات اللى بيجوا من بره مصر ينجحوا .. وإنت وانا اللى عايشين فيها مش عارفين ناخد خطوة!

تيمناً بتجديد الشافعى .. وإقتداء بإجتهاد عمر حاول معايا .. و”ماتديش” ضهرك للترعة و”ماتمشيش” جنب الحيط قبل ما ينتهى بيك الحال بتقرير جميل ولا ريبورتاج معفن بصوت مراسلة حقيرة مصحوب بموسيقة فيلم المواطن المصرى على قناة عمرك ما كنت تتخيل إنك تطلع عليها حى .. بس طلعت عليها ميت بخبر إنتحارك.

 

📌 سلام ونتقابل ف الحلقة الأولى م برنامج إحكيلى .. مستنى دعم ومشاركة حضارتكم وتعليقاتكم الإيجابية ورسائلكم .. وزى م قولت قبل كده لو حابب تشاركنا ف القناة .. بصناعة محتوى أو ماده من مجهودك متبخلش ع نفسك وإخلق لنفسك فرصة .. بس حُط تعليق أو إبعتلنا رسالة ع ايميل القناة.

“بعض الناس لا يستطيعون الإيمان بأنفسهم إلا عندما يؤمن بهم الآخرون”

 

unewtv@gmail.com 📩


جواب-1160x480

*القصة عامية بحتة حتى ولو تحمل فصحى قليلا .. ثقافة الشارع
وأنا ف إبتدائي كان خطي حلو جداً .. حلو بإفترا ع حد قولهم, وكان عندي صاحب حّبيب ومشاعرة مسيطرة عليه .. فياضة يعني, قال لي ف يوم بنظرة إستحياء وإستجداء في البداية .. عايزك تكتب لي جواب لبنت بحبها سرعان ما تحولت تلك النظرة التي لم تليق ع وجهه إطلاقاً بعد ما سمع رفضي ف بداية الأمر, ومع إني كنت شغوف وعندي حب إستطلاع رهيب وتطفل وقح .. إلا إني رفضت, وبعد محاولات عديدة بإقناعي باءت كلها بالفشل, إنطلق صاحبي ليستخدم الكارت الأخير واللي بيجيب م الاخر مع أي مصري.

أم صاحبي الحبيب كانت مُدرسة ف نفس المدرسة, وطبعاً دي مش محتاجة كلام .. أهلة ناس مهمين وصاحبي الوغد الحقير أصبح ذو جهة سيادية فجأة, إستغل سلطتة وأجبرني ع كتابة الجواب اللعين, بعد كده وفي وقت “الفسحه” أه بالمناسبة كانت إسمها كده ع أيامنا يافرفور, إنطلق مسرعاً صوب فصل مقصوفة الرقبة حبيبتة.

لم يمر لحظات حتى سمعت صوت “شرشحة وشردحة” .. البنت طلعت محترمة وبحكم البراءة في السن ده أخدت الجواب وإتجهت نحو غرفة المُدرسين, انا كنت فرحان الصراحة ولو كان ف تويتر أيامنا كنت زماني كتبت الموقف ده تغريدة عابرة وخلصنا م الليلة دي, لكن نحمد الله.

بعد فضيحة الحّبيب صاحبي, تأتي حكمة ربنا ويقع الجواب في يد أم صاحبي اللي هي مُدرسة, وبقلب وعاطفة الأنثى قبل الأمومة تجتمع الأم مع أصدقائها المُدرسين لمحاولة إنقاذ الفتى الضال الغارق في حبه الطاهر, ويشاء القدير تكتشف الأم أن الخط الذي كُتب به الجواب ليس بخط إبنها, ونعتت خط إبنها بأنه “نكش فراخ” .. لم تكتفي الأم بهذا ولكن ..

لضعف ذاكرة البنت البريئه, حاولت الأم وأصدقائها إقناع البنت بأن “البأف” اللي سبلها الجواب ف الشنطة كان مرسال من وغد نجس آخر .. اللي هوا أنا صاحب الخط حضراتكم, بس للأسف  الأبن الأهطل اللي هوا صاحبي كان قال للبنت إن وضع لها جواب ف الشنطة, ولصياغة الحبكة وقفلها بدور مثير وبشكل درامي لبسها العبد لله, والدليل اللي كان نفي ع تهمة إبنها بإن خطه وحش تحول بقدرة قادر دليل إثبات عليه أنا ككاتب للجواب, ولك أن تتخيل الباقي.

  • الدروس المستفادة م القصة: 

– عدم إحاطتي ومعرفتي الكاملة بالتفاصيل .. فوت عليه فرصة ذهبية!

( لم أكن أعلم ماذا قال صاحبي للبنت .. لذلك “إتلطيت” تماماً )

( الفرصة الذهبية التي أهُدرت هي البنت اللي زي القمر, وقعدت أنفي وأبرر واقول برئ ياناس والله مظلوم ومش أنا ده هوا .. الأن أنفنف وأبربر حزناً ع البنت اللي زي القمر اللي راحت بعد ما شفتها ).

 ع الحميد سمير©

لغة الضاد

Posted: 14 نوفمبر 2014 in إجتماعى
الوسوم:

image

لغة الضاد .. لغتي هويتي
ف “تويته” م شويه كانت بتقول ان اللغه العربيه ف طريقها للانقراض!
انا مستغرب جداً منها، وإستفزتني الصراحه، ودفعتني لكتابة الكلام ده.

ازاي وانت كل يوم بتُذكُرها ف صلاتك ومتنفعش بـ أي لغه تانيه ف الدنيا .. غيرها!!

ازاي والشافعي قال:أنَّ اللُّغة ترتفع قيمتها الاجتماعيَّة والسياسية، بل والعالمية إذا نَزَل بها كتاب مقدَّس، بشرط أنْ يساهم أهلُ اللغة بِجُهدهم الخلاَّق في نشر اللِّسان، ونشر ثقافة وآداب هذا اللسان بين أهل الأمم الآخرين.
وانت شايف القرآن الكريم مكتوب بالغه العربيه ومش بس وكده لاا ويُنطق بها كمان!! وانت قاعد بكل تبجح بتكتب تويته بالعربيه وبتهين فيها بفقهنه وبتتكلم عنها ع قدر مخزونك منها وذكائك وثقافتك بها وتقول:ان اللغه العربيه ف طريقها للإنقراض ياجماعه!!

ازاي وبعد مرور كل السنين دي م بعثة رسول الله وانت محافظ ع بعض م اللغه العربيه الاصليه وكلمات اتصنفتم الجهلكلمات عاميه ودارجه زي (كِخّ) وغيرها!!

ازاي وف ناس ف الوقت الحالي بتفكر تسمي ولادهم إسم (لؤي) ع اعتقاد م معظمهم بإن لؤي إسم “روش” وجديد وميعرفوش إن إسم الجد الثامن للرسول لؤي!! وان اللغه والموضه ميشكلوش علاقه طرديه.

وصحيح ان اللغه العربيه بطيئة التطور مع الوقت دا حاجه ف صالحها ويعتبر مؤشر وسبب ف ثباتها ع المدى الطويل!!

ومنكرش كمان إستغلال الغرب لظروفنا والسيطره ع التطور التكنولوجي واستهزاء مبرمجي شركة مايكروسوفت بالعرب بانها وضعت اكتر م لغه عربيه لكل دوله عربيه ف بعض م اصدارتها لنسخ الويندوز ولهدف مش مفهوم!!

ف آدله تاني كتير، ان اللغه العربيه باقيه الي يوم الدين، حتى لو انقرض او تجرد كل ناطق بها .
وان كل لغات العالم زَّبَدُ بجانب اللغه العربيه .. وانا فاكر “وَمَا أَرْسَلْنَا مِنْ رَسُولٍ إِلَّا بِلِسَانِ قَوْمِهِ”
ممكن تلاقي ف نبرة كلامي تحيز للغتي وهويتي العربيه وإني بفخر بلساني العربي وبعرف قيمته بمرور الوقت ع الاقل ف إعجازه القرآني، وإن لغة الضاد مش مجرد سطور او كلام اجوف محشو بعبارات محض ثرثره .. لا تجربه فيها ولا عمل .. فـ اعذرني.

وزعلان إن كثير من ناطقي اللغه العربيه لا يعرفون فيها اكثر مما تعرف عانس ف شؤون القتال.

ومقولة احمد شاكر عن نص اللغه ف كتاب الرساله للشافعي وتنقيحه وتخفيفه للكتاب بيقول:

لأنَّ الأمة التي نزل بلسانها الكتاب الكريم يَجب عليها أن تعمل على نَشْر دينها، ونشر لِسانِها، ونشر عاداتها وآدابها بين الأمم الأخرى!
وف النهايه

……
“فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ كَذَلِكَ يَضْرِبُ اللَّهُ الْأَمْثَالَ”

ع الحميد سمير

صبحي .. صاحبي

Posted: 18 أغسطس 2014 in إجتماعى
الوسوم:

صبحي .. صاحبي

نور خافت يجعلني أتذكر ما كنت عليه, دفعني إلي محادثة (صبحي) ع الرغم من كُرهي الشديد ف محادثته في مثل هذه الأمور, وكسوفي أيضاً, لا خوف مني على مشاعره_تتحرق مشاعره بجاز_ إنما أعرف كل ما يدور برأسه لأنه يمثل لي الجوهر وأمثل له المظهر.

ببساطه (صبحي) شخصيتي الخياليه التي ألجأ إلي الكلام معها دوماً, أعشقه ع الرغم من سجيته وسطحيته وبساطته في معالجة الأمور, أكهرهه حين يتقمص دوري في تحليلاتي شبه المعقدة, وآرائي المتناقضة, أنا لا أوافقه الرأي دوماً, ولا هوا أيضاً يوافقني, كلانا ع إختلاف مستمر, أختلف معه من باب النِقاش لمحاولة عرض رأيي, ويختلف معي من باب “إتفقنا ع ألا نتفق” يا (ع) بيه !!

مبادئي تُشعره بالإشمئزاز, يقشعر جسده حين يسمع صوتي المعارض, ولكني أحدثه وهو مُجبر ع السماع ولا أجبره ع الإستمتاع, والحق أفعل .. أنا كاره لـ (صبحي) وإن كنت أكِّن للرجل مودّة صادقة .. ولكن لماذا تستبقيني هنا معك كل هذا الوقت؟ لماذا إذا م تهيأت للنوم أسمعك تهمس ف اذُني وتريد الحديث .. ليه يـ (صبحي)؟ هااه ليه؟ إشمعني لما أجي أنام يـ أخي؟

يعلم (صبحي) إني أكره ما هو عليه, وهو أيضاً يكره ما أنا عليه بدوره, ولو كانت شخصيتي فيلم أو مادة سينمائية؛ للعب (صبحي) دور الناقد, فهو ضعفي حين يصيبني الغرور أو التكبر, وهو طموحي حين يزداد علي اليأس, ينقذني مره ويغرقني آلاف, فهو كاسيوس حين أكون قيصر, وياجو حين أهاب عطيل.

ذات مره … قال لي (صبحي)

– إنتا عارف الحاجة الوحيدة اللي إستفدت بيها إيه _كونك إشتغلت هنا ف الغردقه وجبتني معاك_ يـ (ع) بيه ؟

– إيه يا (صبحي)؟!

– مش محتاجه كلام يـ (ع) بيه .. #السحالي

– سحالي! .. سحالي إيه بس يـ (صبحي) !! منكرش صحيح إن السحالي حلوه ومفيش كلام بس …

  • بس إيه ؟
  • بس يـ (صبحي) أنا إستفدت بحاجه أحسن م كده
  • إيه هيا يا (ع) بيه؟
  • الكهربا يا (صبحي) .. الكهربا
  • الكهربا !!
  • اااه يـ (صبحي) الكهربااا
  • طب وإنتا إستفدت بإيه م الكهربا ؟
  • يـ (صبحي) إنتا مش واخد بالك إني مبقتش أتنرفز عليك, ولاا أمد إيدي عليك زي زمان, وبقيت بكلمك ويكأن واد روش بيكلم صاحبته اللي ف ثانوي.
  • أأه لاحظت.
  • طاه يـ (صبحي) .. طيب بتحاول ليه ترجعني للحاجات دي يأخي, أقولك حاجه حلوه ياصبحي.
  • قول يا (ع) بيه .. قوول
  • إنتا كان عندك حق يـ (صبحي) لما قولت السحالي أكتر حاجه إستفدت بيها ف إني جيبتك معايا الغردقه, إنتا صح ياصبحي ..صح.. إنتا بتدور ع اللي ناقصك _سحليه_ يا بورص, وأنا بدور ع كهربا يـ (صبحي)  كهربا كهربا!! عارف يعني إيه يـ (صبحي) كهربااااااااااا

 

“يُخيل لـ (صبحي) أنه حسم الحوار لصالحه, ويعاود فتح موضوع أخر آملاً في أن يظفر بنصر جديد ليشعر مرة أخرى بحلاوة ولذة الفوز علّي ف حواره البائس ..قال سحالي قال |…..

منور يـ (صبحي)

…….